Somos un Serviciu creáu a intancies del Conseyu Comarcal de Pollitica Ligüística de la Mancomunida Comarca de la Sidra nel que tan representaes fuercies politiques de la comarca, representantes de les instituciones, asociaciones, escueles, y demás entidades de la Comarca que lo soliciten.

Trátase d'un serviciu d'asesoramientu públicu y de baldre, destináu a facilitar l'usu del asturianu entre les persones, empreses, organizaciones, asociaciones, entidades y administraciones de la Comarca de la Sidra.

El Serviciu de Normalización Ligüística (SNL), ye una ferramienta a disposición de tola ciudadanía de la comarca y constitúi un préseu indispensable nel procesu de recuperación, dignificación y dinamización de la llingua asturiana.

Los oxetivos cimeros son incrementar el conocimientu y l'usu del Asturianu, asina como da-y prestixu, garantizando la so presencia en tolos ámbitos.

Qué facemos?

• Atendemos a les persones que quieran facer consultes rellacionaes col usu del Asturianu.
• Facemos propuestes de normalización nos ámbitos que lo demanden y potenciamos el compromisu de la socieda a favor de la normalización del usu del Asturianu.
• Ofrecemos asesoramientu y recursos a les empreses o entidades de tou calter pa facilita-yos l'usu de la llingua asturiana.
• Sofitamos les iniciatives de promoción social y la realización d'actividades que fomenten l'usu del Asturiano nos ámbitos específicos como los deportes, el comerciu, la moceda, el tiempu libre, les asociaciones civiques... etc.
• Impulsamos la promoción del llibru y la llectura en llingua asturiana.
• Apoyamos la difusión d'autores de la comarca qu'escriban en llingua asturiana.
• Xestionamos y coordinamos la llabor de tradución de documentos.
• Organizamos cursos d'Asturianu pa fucionarios/es, emplegaos/es de l'alministración y población adulta.
• Programamos y facemos campañes, comacales y nos conceyos, de sensibilización, promoción del usu y normalización ligüística del Asturianu.

Toponimia

Listau de autores n'asturianu de la Comarca

QUE NUN QUEDE EN CASA, DA-Y VIDA ALA LLINGUA